ఎడారిలో సెలయేర్లు - మే 23
📖వారు ఎటుతోచక యుండిరి. శ్రమకు తాళలేక వారు యెహోవాకు మొఱ్ఱపెట్టిరి. ఆయన వారి ఆపదలలోనుండి వారిని విడిపించెను (కీర్తన 107:27, 28).
ఎన్ని తాళం చెవులతో ప్రయత్నించినా తలుపు తెరుచుకోకపోతుంటే నిరాశ పడకండి. తాళం చెవుల గుత్తిలోని ఆఖరితాళం సరైన తాళమేమో.
-
🔹ఎటూ తోచక ఓ మూలను శోక వదనంతో నిలబడి ముందేం జరగనున్నదోనని చేతులు నలుపుకుంటూ లోకమంతా పగవారై ఉంటే ఒంటరితనంలో గుబులు గుబులుగా దిగులుపడుతున్నావా 👉 క్రైస్తవ విశ్వాసీ ఎటూ తోచక నువ్ నిలిచిపోయిన ఆ మూలే దైవశక్తి కనిపించే మహిమా వేదిక.
-
🔹 ఎటూ తోచక ఓ మూలను దుర్భరమైన బాధ కాలుస్తుంటే ఇక సహించలేనంటూ మనస్సు మూలుగుతుంటే నిలబడిపోయావా ఎడతెరిపిలేని శ్రమ కృంగదీస్తుంటే కళ్ళు చీకట్లు కమ్మి ఒళ్ళు మొద్దుబారితే 👉 ఎటూతోచక నువ్ నిలిచిపోయిన ఆ మూలే క్రీస్తు ప్రేమ ప్రకాశించే మహిమా వేదిక
-
🔹ఎటూ తోచక ఓ మూలను మొదలెట్టిన పని నిరర్థకమైపోతే పూర్తికాకుండా ఆగిపోతే మనసూ తనువూ భారంతో కృంగిపోతే పని పూర్తి చేయడానికి శక్తి కరువైతే చేతుల్లో బలంలేక వణికితే 👉 ఎటూతోచక నువ్ నిలిచిపోయిన ఆ మూలే నీ భారాన్ని మోసేవాడు నిలిచి ఉన్నాడు.
ఎటూ తోచక ఓ మూలను నిలబడ్డావా సంతోషించు ఆశ్చర్యకరమైన అద్భుతాలు చేసే శక్తి నిన్నెన్నడూ విడనాడని దైవశక్తి నీ అడుగుల్ని వెలుగులోకి నిస్సందేహంగా నడిపించే పరమ శక్తి ఎదురు చూస్తున్నది నిన్ను ఆదుకోవడానికి ఎటూతోచక నువ్ నిలిచిపోయిన ఆ మూలే సమర్థుడైన దేవుడు నీకు తెలుస్తాడు.