ఎడారిలో సెలయేర్లు - మే 8
…అగ్నిలో సంచరించుట చూచుచున్నాను (దానియేలు 3:25).
వాళ్ళ కదలికను అగ్ని ఆపలేకపోయింది. దాని మధ్యలో వాళ్ళు నడుస్తున్నారు.
👉 తమ గమ్యానికి చేరడానికి అగ్ని కూడా ఒక రాజమార్గమే.
- 🔹 క్రీస్తు బోధనలోని ఒక ఆదరణ ఏమిటంటే ఆయన దుఃఖంనుండి విడుదల ఇస్తాననలేదు. దుఃఖం ద్వారా విడుదల ఇస్తానన్నాడు.
నా దేవా, చీకట్లు అలుముకున్నప్పుడు నేను కేవలం ఓ సొరంగంలో మాత్రమే ఉన్నాను అని నాకు జ్ఞాపకం చెయ్యి. కొంతకాలానికి అంతా చక్కబడుతుందని తెలియడమే నాకు చాలు.
నేను ఒలీవ కొండ శిఖరం) మీద నిలబడాలట. పునరుత్థానపు మహిమలో పాలుపొందాలట. కాని ప్రియ తండ్రీ, ఆ శిఖరానికి నేను ఎక్కివెళ్ళడానికి కల్వరి దారి కావాలి.
📖ఈ లోకంలోని కష్టాల నీడలు నీ పరలోకపు ఇంటిదారిలోని చెట్ల నీడలే కదా. తండ్రీ, నీ ఇల్లు కొండమీద ఉంది. కష్టపడి నేనా కొండపైకి ఎగబ్రాకక తప్పదు. నేను అగ్నిజ్వాల మధ్యలో నడిస్తే నన్ను ఏ దుఃఖమూ అంటదు.
దారి కరుకుగా ఉంది చాలా దూరం పైకెక్కిపోవాలి పూలుకాదు ముళ్ళున్న దారి ఆకాశం మబ్బులు పట్టింది.
ఆ మసక వెలుగులో ఎవరో నా చేయి పట్టుకున్నారు నా దారంతా పూలబాటగా పరచుకొంది.
శిలువ భయంకరం నా వీపు మోయలేని భారం కర్కశం, కఠినం, పాషాణం చేయూతనిచ్చే వాళ్ళు లేరు ఒకరు మెల్లగా నా భుజం తట్టారు
“నాకు తెలుసు నేను నీకు తోడు నేనర్థం చేసుకోగలను”
ఎందుకు బాధా, నిట్టూర్పు సిలువ మోసేవాళ్ళలారా రండి గమ్యమదిగో కన్పిస్తుంది మన కలలపంట కనుచూపు మేరలో ఉంది. మనం వేసే ప్రతి అడుగూ వేద్దాం ప్రభు సన్నిధిలో.