ఎడారిలో సెలయేర్లు - ఆగస్టు 21
విశాలమైన స్థలమునకు ఆయన నన్ను తోడుకొని వచ్చెను. నేను ఆయనకు ఇష్టుడను గనుక ఆయన నన్ను తప్పించెను_ (కీర్తనలు 18:19).
📖ఈ విశాలమైన స్థలం ఏమిటి? 👉 దేవుడే. అన్ని ప్రాణులూ, ఈ జీవధారలన్నీ అంతమయ్యేది ఆ అనంతుడిలోనే. దేవుడు నిజంగా చాలా విశాలమైన స్థలం.
అవమానాలు, దూషణలు, లేమి వీటన్నిటినీ సహించిన దావీదు ఈ విశాలతలోకి రాగలిగాడు.
“మిమ్మును గద్ద రెక్కలమీద మోసి నా యొద్దకు మిమ్ము నెట్లు చేర్చుకొంటినో మీరు చూచితిరి”_ (నిర్గమ 19:4).
సంపూర్ణ విధేయతలోకి నావ నడిపించడానికి భయపడుతున్నాను “ఈ ప్రవాహం ఎక్కడికి తీసుకుపోతుంది? నా చిన్న పడవ ఎటు కొట్టుకుపోతుంది?” “నాలోకే” అన్నాడు దేవుడు.
త్రవ్విన సమాధిపై నిలచి విలపించాను రేకెత్తిన ఆవేదనతో అడిగాను “నేను వేసే ఈ విచారపుటడుగులు నన్నెటు నడిపిస్తున్నాయి?”“నాలోకే” అన్నాడు దేవుడు.
ఆయనలోనే, ఆయన గుండెల్లోనే నా చోటు నా ఆనందాన్ని ఎవరు వర్ణించగలరు? ఇంతవరకు నన్నాకర్షించిన విషయాలన్నీ ఆయన చెంతకే తీసుకొస్తాయి.